Osterinsel

Osterinsle Rapa Nui Isla de Pascua
Gwässer	Pazifische Ozean
Geographische Lage	27° 7′ S, 109° 21′ W-27.119444444444-109.35472222222507.41Koordinate: 27° 7′ S, 109° 21′ W
Lengi	24 km
Breiti	13 km
Flechi	162,5 km²
Hechschti Hebi	Maunga Terevaka 507,41 m
Iiwohner	5806 (2012[1]) 36 Einw./km²
Hauptort	Hanga Roa
Charte vo dr Osterinsle

D Osterinsle (schbanisch Isla de Pascua, rapanui Rapa Nui) isch en Insle im Südostpazifik, wo isoliert gläägen isch, politisch zu Chile ghöört, geografisch aber zu Polynesie. Si lit südlig vom südlige Wändikräis. Dr Hauptort Hanga Roa isch 3526 km vo dr chilenische Küste (oder 3833 km genau gege Oste bis zur Küste) und 4251 km vo Tahiti äwägg. Die nöggsti Insle, wo bewoont isch, isch Pitcairn im Weste, 2078 Kilometer äwägg. 2012 häi uf dr Osterinsle 5806 Menschen gläbt.^[1] D Insle isch vor allem wäge de monumentale Stäiskulpture, de Moai, bekannt. Sit 1995 isch d Osterinsle as Nazionalpark Rapa Nui Däil vom UNESCO-Wälterb.

1. ↑ ^{1,0 1,1} Instituto Nacional de Estadísticas: Resultados Preliminares: Censo de Población y Vivienda 2012, S. 28 Archivlink (Memento vom 16. Jänner 2013 im Internet Archive) (PDF; 3,4 MB)